Det blir ingen plass på VM-laget for skisprinteren Håvard Bjerkeli frå Isfjorden.
Nedtur
|
Håvard Bjerkeli. Foto: Scanpix. |
I det avgjerande rennet i Oberstdorf i helga gjekk det ikkje fort nok, og dermed må Bjerkeli sjå VM frå godstolen.
– Det var ein veldig nedtur det, men viss ein ikkje er god nok så har ein ikkje noko i VM å gjere heller, seier ein skuffa Håvard Bjerkeli.
VM-håpet brast
Håvard Bjerkeli var eit av dei store VM-håpa i sprint framfor denne sesongen, men i helga brast håpet om plass på det norske VM-laget. I staden fekk Trond Iversen og Odd-Bjørn Hjelmeset dei to siste plassane. Det svir for ein konkurransemann som Bjerkeli.
– Det er absolutt ikkje ifølgje planen, seier Bjerkeli.
Fleire konkurransar
Det er likevel nok av konkurransar framover sesongen å ta tak i. Det Bjerkeli er oppteken av no er å halde kontroll på skadane han har slite med og kome i form til ei bra avslutning på sesongen.