KrF vart halvert i valet i Fjaler. Vinnarane vart Sp og Ap.
Av:
Vidar Vie
For fire år sidan fekk KrF 14,2 prosent av røystene. Resultatet i dette valet vart 7,1 prosent. Fjaler var den tredje kommune som vart talt opp i Sogn og Fjordane, og tendensen til sterk tilbakegang for KrF held seg også der.
Også i Fjaler gjekk veljarane til Arbeidarpartiet og Senterpartiet. Begge gjekk fram litt over seks prosentpoeng, og begge enda på vel 26 prosent av røystene.
Støtta ikkje Råheim
Fjaler Høgre stod i spissen for å erstatte Sverre Hoddevik med Mathias Råheim på toppen av stortingslista. Men i valet vart det tilbakegang på 2,8 prosentpoeng for Høgre, som enda opp på 9,3 prosent oppslutnad. Råheim, som bur i Gaular, fekk altså inga hjelp frå nabokommunen.
Venstre gjekk litt tilbake også i Fjaler og enda på 5,5 prosent oppslutnad.
Framstegspartiet gjekk også fram i Fjaler, og enda på 10,9 prosent av røystene