Av: Vidar Vie

Sjå valresultat for Solund

Partiet og Liv Signe Navarsete vann dermed den minste kommunen i fylket så vidt framfor Arbeidarpartiet, som fekk 19,4 prosent av røystene. Også det er ein stor framgang, nærare bestemt 7,6 prosentpoeng.

Senterpartiet fekk ordføraren i siste val gjennom Gunn Mongstad. No dobla dei altså oppslutnaden i stortingsvalet.

Framstegspartiet heldt fram framgangen frå førre val og fekk 17,3 prosent av røystene.

Nedtur for KrF og Høgre

Solund har tradisjonelt vore ein Høgre-kommune, men valet der vart ein nedtur for Mathias Råheim trass 16,4 prosent av røystene. Nedgangen var på 5,2 prosentpoeng.

Nedturen vart endå større for Per Steinar Osmundnes og KrF. Også dei har stått sterkt i øykommunen tidlegare. Partiet enda på 9,4 prosent oppslutnad, ein nedgang på 8,3 prosentpoeng i høve til valet for fire år sidan.

Også Kystpartiet fekk gjennomgå av veljarane i Solund. For fire år sidan fekk dei 13,4 prosent av røystene. I dag ville berre 5,3 prosent av veljarane ha dei.