Under valkampen reiser politikarane i flokk for å besøke bedrifter rundt om i fylket. Men etter valet er det lite igjen av engasjementet deira, meiner bedriftseigar Tor Løkeland.
Av
Gro Ravnestad og
Kjell Arvid Stølen
- Dei snakkar gjerne i store ord i valkampen, og når valet er over høyrer vi ikkje meir frå dei, seier han.
Stadige transportproblem
Tor Løkeland er dagleg leiar og tredje generasjon som driv krabbefabrikk på Atløy. Bedrifteigaren møter dagleg utfordingar når det gjeld å få produkta til fastlandet og vidare ut på den norske og den internasjonale marknaden.
- Lydhøyre under valkampen
Under valkampane er politikarane lydhøyre overfor dei problema han og andre bedrifteigarar møter, men mellom valkampane er ikkje Løkeland like imponert over engasjementet. - Då har dei kome seg inn i posisjonar og synest vel at jobben er gjort. Men dei burde vore aktive 12 månader i året og ikkje berre når det er val, seier Løkeland.
- Treng drahjelp
- Ei av oppgåvene til politikarane må vere å hjelpe næringslivet. Vi treng drahjelp, og det er ikkje alltid det er snakk om pengar, seier bedriftseigaren.