Kystpartiet i Sogn og Fjordane har kome svært seint i gang med valkampen. Men dei fortvilar ikkje.
Av
Lars Petter Degnepoll og
Kjell Arvid Stølen
Dei satsar på at tvilarane, som likevel bestemmer seg seint, skal stemme på partiet, seier førstekandidat Kay- Lise Løkeland Leknes.
Utskifting og rot
Kystpartiet stilte liste i Sogn og Fjordane for første gong ved stortingsvalet for fire år sidan. Då fekk dei 2,1 prosent av stemmene. Men sidan den tid har det vore svært stor utskifting i den lokale partileiinga, og partiet har ikkje klart å få merksemd for stort anna enn rot i lokalpartiet. Mellom anna trekte Tore Hillersøy seg som leiar i partiet over telefon. Og ved fylkestingsvalet for to år sidan fekk dei berre 0,6 prosent av stemmene. Men no er det ro i partiet, forsikrar førstekandidaten.
Lite pengar til valkamp
Kay-Lise Løkeland Leknes seier pengar til valkamp har vore problemet for partiet. Her i Sogn og Fjordane har dei til saman 15.000 kr til å drive valkamp for. Kystpartiet har nei til EU, og råderett over naturressursane som viktigaste saker.