Molde ut av landet for å trene ?

Molde må trene på kunstgras denne veka etter som det er uråd å få tilgang på ei grasbane.

Molde-direktør Tarje Nordstrand Jacobsen er oppgitt over forholda. Han håper dei får varmare ver no slik at snøen forsvinn.

Molde har planlagt generalprøve mot Brann på gras på Molde stadion komande søndag, men slik stoda er no er det høgst usikkert kvar denne kampen går. Jacobsen håper og trur at kampen kan spelast som planglagt, men dette er avhengig av korleis verforholda utviklar seg dei neste dagane.

Molde kjem til å ta kontakt med Brann om saka tidleg denne veka.