- Må forme spelarstallen

- Særleg med tanke på at den nye trenaren bør vere med å forme neste års spelarstall er dette uheldig, seier Møller.

- Etter det eg forstår skal troppen krympast, og tre-fire nye spelarar skal på plass, og dette arbeidet bør ein ny trenar vere med på. Med tanke på at treningane til 2006 sesongen startar snart, hastar det med å få den nye trenaren på plass, seier Møller.

Mange trenarskifte

Han viser til at det i seriesamanheng har vore tre magre år, og med mange trenarskifte.

Møller meiner det er uheldig både for spelarane og for den fotballkulturen som MFK har, og som klubben ønskjer å vidareføre.

Han ønskjer at MFK får ein ung, norsk trenar som blir i klubben i fire-fem år.

Fotballfagleg dyktig

- Det kan skape entusiasme i Molde og omegn og trekke fleire publikummarar.

- Men viktigast er sjølvsagt at den nye trenaren er fotballfagleg dyktig, og som ser for seg å vere i klubben nokre år, for å vere med og bygge opp eit lag, seier klubbveteran Møller.