– Trur på tre poeng mot Tromsø!

Mange var opptatt av om Molde klarer å snu den negative trenden etter fire kampar med null poeng, botnplass i Tippeligaen og stortap mot Lyn sist helg. Allereie torsdag skal Molde i elden igjen - heime mot Tromsø.

Høg moral

Knut Dørum Lillebakk svarte at moralen er høg i Molde, og han trur dei tre første poenga i Tippeligaen kjem mot Tromsø.

-Med tøffare duellspel og betre jobbing saman så er eg sikker på at vi slår Tromsø, svarte Dørum Lillebakk under nettmøtet i dag.

Keeperduellen

Fleire var og opptatt av keeperduellen mellom Dørum Lillebakk og Lars Ivar Moldskred. Moldskred har ikkje lagt skjul på at han mislikar å ha blitt satt på benken etter dei to første kampane.

Knut Dørum Lillebakk svarte at han er glad for at han no er blitt første-keeper, men at duellen med Moldskred ikkje har ført til noko uvenskap mellom dei to.

- Vi har eit veldig godt forhold både på og utanfor banen, svarte Dørum Lillebakk.