 |
| Bernt Hulsker |
Molde FK slo tilbake etter sommarferien, og slo sølvplasserte Sogndal 3-1 på heimebane laurdag ettermiddag etter ein god 2.omgang. Daniel Berg Hestad avslutta kampen med eit soloraid og ei frekk scoring.
Første omgangen mellom Molde og Sogndal var ikkje mykje å skryte av. Kampen var prega av stillingskrig, og Sogndal var best. Likevel var det Molde som hadde den beste sjansen ved Anders Hasselgård, men keeper Terje Skjeldestad blokkerte glimrande.
Raske scoringar
Molde vakna til liv i 2.omgang, og det skjedde då innbyttarane Bernt Hulsker og Thomas Mork kom innpå. Hulsker vart vraka til fordel for Arild Stavrum, og tok revansje då han heada inn 1-0 etter 68 minutt. Magne Hoseth laga 2-0 berre tre minutt seinare på eit overraskande langskot.
Utvising
For tredje gong vart Sogndal sin afrikanske stoppar Raoul Kouakou utvist etter duell med Bernt Hulsker. Denne gongen slo Sogndal-spelaren Hulsker i ansiktet etter ein duell, og Roy Helge Olsen måtte vise det raude kortet. Likevel greidde Sogndal å redusere til 2-1 ved Christian Kalvenes som fekk stå umarkert i blindsona og dunke inn ballen.
Vakker scoring
Molde-kaptein Daniel Berg Hestad ville ikkje ha noko av at Molde rota bort sigeren igjen og avgjorde kampen på eiga hand like før slutt. Han forserte to slitne Sogndal-spelarar, forserte mot dødlinja og scora frekt frå nesten død vinkel på ein overraska Sogndal-keeper.
Molde vann dermed kampen 3-1 og siktar no opp over på tabellen.
Tips andre om denne saken
Utskriftsvennlig versjon