Molde-Skeid
Skeid gjekk opp til 1-0 etter ei heading frå kort hald av kaptein Erik Noppi etter vel ein halv time av kampen. Molde hadde ein stor sjanse til å utlikne etter 35 minutt, men avslutninga frå Magne Hoseth vart redda på målstreken. Etter dette hadde Molde ein trippel-sjanse, men lukkast heller ikkje denne gongen.
|
Frå kampen mellom Molde og Skeid.
Foto: Gunnar Sandvik |
Petter Christian Singsaas må vere blant dei mest uheldige fotballspelarane som finst. Han fekk tillit frå start i dag ettersom Trond Strande står over. Men berre etter 30 sekund måtte han forlate bana etter ein duell med ein Skeid-spelar. Frå NRK sin plass såg det ut som om Singsaas hadde skadd den høgre skuldra si. Erlend Ormbostad tok over Singsaas sin plass i MFK-forsvaret. 788 tilskodarar såg kampen i Molde i kveld. Molde sette inn på Kai Røberg og Stig Arild Råket i 2.omgang utan at det gav resultat.
|
Nils Ottar Sandø |
AaFK-Hødd
Aalesunds FK gjekk opp til 1-0 mot Hødd etter eit knapt kvarter. Amund Skiri scora etter eit langt innkast. AaFK-kaptein Skiri auka til 2-0 etter rundt 30 minutt. Nils Ottar Sandø la på til 3-0 like etter. Tommy Sylte reduserte til 3-1 før pause, men Sandø laga sitt andre mål for dagen og 4-1 til AaFK. Tommy Sylte reduserte til 4-2 på straffe etter rundt 65 minutt av kampen.
AaFK er dermed på veg til ny cupsuksess i år. I fjor kom laget heilt til semifinale der det vart tap for Vålerenga på Ullevål.
Meir dårleg nytt for Hødd:Toppscorar Geir Televik måtte gå av bana på grunn av skade i 2.omgang.