Glade jol, heilage jol

Glade jol, heilage jol!
Englar kjem frå Guds kongestol.
Blomar ber dei frå Paradis,
fint og fagert dei syng Guds pris.
:/: Løynleg i kring oss dei gjeng. :/:

Jolebod, gledeleg bod
tonar til oss med himmelljod,
song av englar som hyrdingar såg
den gong Jesus i krubba låg.
:/: Songen av englar er sæl. :/:

Fred på jord, frygd på jord!
Jesusbarnet det er vår bror.
Englar syng om hans herlegdom,
han hev reidt oss i himmelen rom.
:/: Songen av englar er sæl. :/:

Sæle fred, himmelsk fred,
jolekvelden til jord kom ned.
Englar syng om den fred dei såg,
syng om han som i krubba låg.
:/: Gled deg, kvar sjel han hev frelst! :/:

Bernhard Ingemann, omsett av Bernt Støylen