Klikk på lydlenkja ovanfor og høyr samtalen med Terri Senior i formiddagssendinga 25. mai.
Terri Senior er 37 år og arbeider som prosjektleiar i Møre og Romsdal Røde Kors. Ho er fødd og oppvaksen i Kingston på Jamaica, og har budd i fleire land før ho kom til Noreg for ti år sidan. Nyleg blei ho norsk statsborgar.
Terri Senior om seg sjølv
Ho synest det er ei god erfaring å ha kome til mange ulike samfunn utanfrå og lære dei å kjenne frå den synsvinkelen. Det ho er mest tilfreds med i sitt eige liv er at ho er blitt kjend med så utruleg mange menneske. Det som gjer henne mest glad er kontakt med menneske, naturen og å møte nye utfordringar. Fritidsinteressene hennar er ski, matlaging, språk og kajakkpadling. Førebileta hennar er folk som ofrar mykje av seg sjølv til beste for andre. Det som provoserer henne mest er likesæle, sjølvgodheit og fattigdom. Yndlingsboka hennar er "Sons and Lovers (Sønner og elskere)" av D. H. Lawrence.
Medmenneske, Noreg og verda
Terri Senior trur at vi har mykje større evner til å løyse problem enn det vi sjølve er klar over. Nordmenns beste sider er sjølvironi, toleranse og trua på likeverd. Noregs tre største fordelar er demokratiet, naturen og omdømmet vårt. Ho trur at om 100 år spelar Noreg ei større rolle på den internasjonale arenaen, og vi har - vonar ho - greidd å utnytte dei menneskelege ressursane vi har, ikkje berre dei fysiske.
Eit hjartesukk: ho synest vi alle bør bruke beina meir, og kan ikkje forstå at landet vårt ikkje er lagt betre til rette for syklistar!
Tips andre om denne saken
Utskriftsvennlig versjon