| | Folkefest i Årdal Publisert 09.06.2002 22:03 - Oppdatert 10.06.2002 09:32 Eit folkehav tok i mot kongeparet då dei kom til Årdalstangen søndag kveld. Mest av alt imponerte kanskje unge Mathias Hansen med sitt djupe bukk for dronninga.
Etter den offisielle mottakinga med tale av ordførar Oddbjørn Einan, heldt kongen tale og opna "Tusenårsstaden" i Årdal. Etterpå avduka han kunstverket "Båten" av Magne Vangsnes. | Ordførar Oddbjørn Einan helsar kongeparet. |
Etter dette delte kongefølgjet seg. Kong Harald vitja teknologisenteret til Hydro i Øvre Årdal. Dronninga på si side vitja Årdal bu- og omsorgssenter, også det i Øvre Årdal.
Ut på kvelden var det festmiddag og avslutning av det kongelege besøket i Årdal med festmiddag på Klingenberg Hotell. Til sist forlet kongeparet kommunen inst i Sogn med kurs for Vik der dei startar måndagen.
| |
|