Kongevitjingar i Stryn

Haakon VII.

Kong Haakon VII

vitja like etter kroninga i 1906 Loen og Olden saman med dronning Maud og kronprins Olav. I 1936 opna han vegen Olden-Innvik (sjå også William Henry Singer jr.). Kong Haakon VII i spissen for heile kongefamilien vitja i 1949 Lodalen for å sjå merka etter rasulukka i 1936.

Kong Olav den 5.

Olav V.

var i Loen i 1906 (sjå kong Haakon ovanfor). Han og kronprinsesse Märtha vitja Olden i samband med ei stor rundreise i fylket i 1933, og han representerte som kronprins kongehuset under gravferda til dei omkomne etter Loen-ulukka (sjå Lodals-ulukkene) den 16. september 1936. Olav vitja Stryn i 1949 saman med kronprinsesse Märtha i samband med ei rundreise på Vestlandet. Vitja Loen og Olden 1970 med kongeskipet ”Norge” saman med resten av kongefamilien. Han opna Strynefjellsvegen 17.oktober 1978, og var på privat gjesting til Briksdalsbreen i 1980.

Keisar Wilhelm II

Wilhelm II.

av Tyskland vitja indre Nordfjord fleire gonger med keisarskipet ”Hohenzollern” og eit stort fylgje. Første gong 1890, då han m.a. fiska laks i Oldeelva hjå Mr. Byron. Han vitja også Briksdalsbreen på denne første turen. Også i 1894 vitja keisaren Briksdalsbreen.

Dronning Wilhelmina

av Nederland (1880–1962) ferierte i Noreg tolv gonger frå 1921 til 1955. Ho vart regjerande dronning 1934. I Nordfjord budde dronninga oftast på Hjelle Hotell i Oppstryn, første gong i 1925. Der finst det fleire minne etter hennar besøk. Ho var ivrig amatørmålar, og gjekk også over Flofjellet mellom Sunnylven og Flo. Ho abdiserte i 1948, og i 1955 kom ho på vitjing på Hjelle saman med dottera Juliana, som då var blitt dronning.

Kong Harald den 5.

Harald V.

vitja Stryn som kronprins i 1970 saman med resten av kongefamilien.
30. august 1993 vitja han saman med dronning Sonja og eit stort fylgje av Europas kongelege Olden og Briksdalen i samband med feiringa av kongeparet sitt sølvbryllup.
I 1996 vitja kong Harald Stryn i samband med ski-NM i nordiske greiner.

Også eksotiske monarkar tok tidleg til å vitje Stryn:

Kongen av Siam

Rama V - kongen av Siam.

(Chulalongkorn) vitja i 1907 Strynefjellet, Briksdalsbreen og Loen, der han ferierte ein månads tid. På Alexandra Hotell leigde kongefylgjet 13 rom. Han hadde forlate heimlandet p.g.a. borgarkrig. I 1934 kom kronprinsen frå same land (Thailand) med familiefylgje på gjesting til Indre Nordfjord.

Storvesiren av Iran

vitja Loen i 1910.

The Silver Cruise

I samband med det norske kongeparet sitt sølvbrullup i august 1993, vitja fylgjande kongelege statsoverhovud Briksdalen i Stryn:

Dronning Margrethe.

· Kong Carl Gustaf av Sverige
· Dronning Margrethe II av Danmark
· Dronning Beatrix av Nederland
· Kong Juan Carlos av Spania
· Storhertug Jean av Luxembourg
· Ekskong Konstantin av Hellas

Det britiske kongehus var representert ved prins Edward.

F.v.: Kong Carl Gustaf, kong Juan Carlos, dronning Silvia og prinsesse Astrid.

Dei kom då med fly til Anda, reiste med buss til Karistova på Utvikfjellet. Der kledde dei seg om for turen til Indre Nordfjord, der 24 fjordingar frå Oldedalen Skysslag frakta dei til Briksdalsbreen.
Både det norske kongeskipet ”Norge” og det danske ”Dannebrog” fylgde med på ”The Silver Cruise” til Loen.

Ein del av det kongelege følgjet framfor Briksdalsbreen. Fremst sit det norske kongeparet, og bak kan vi m.a. sjå regentane i Danmark og Sverige, Prins Edward, Prinsesse Märtha Louise og Kronprins Haakon.

I september 2006 var kronprinsparet Haakon og Mette Marit på offisiell gjesting i seks kommunar i Sogn og Fjordane: Askvoll, Flora, Gloppen, Stryn, Hornindal og Eid.

Høyr talen til kronprisesse Mette-Marit i Stryn:
og frå pressekonferansen som avslutta besøket i Sogn og Fjordane:

Sjå bileta frå den kongelege vitjinga i Sogn og Fjordane: