Telemark-køyraren Børge Søvik frå Isfjorden tok ein suveren førsteplass i verdscuprennet på Rjukan i helga.
Det blei tredobbelt norsk, og Søvik satsar no for fullt på å vinne verdscupen samanlagt.
Børge Søvik var klart best i snøveret på Rjukan. Ekstra artig var det for isfjordingen å gå forbi broren Kjetil i talet på verdscup-sigrar. Broren, som er landslagstrenar, står med 11 førsteplassar, medan Børge no er oppe i 12.
No ligg Børge Søvik på ein 2.plass samanlagt i verdscupen i telemarkskøyring. Men 23-åringen frå Isfjorden har god tru på at han skal kunne stå på toppen av pallen til slutt.
|
Børge Søvik har no fleire verdscupsigrar enn broren, Kjetil. |