Hødd's daglege leiar Andre Nevstad har ombestemt seg. Han kjem ikkje til å legge opp slik han annonserte etter fjorårssesongen. No satsar han for fullt, og var i går tilbake som lagkaptein i generalprøva mot Molde.
Andre Nevstad (32) har spelt 566 A-kampar for Hødd og har berre legendene Otto Sundgot og Kjetil Hasund framom seg på lista over tidenes Hødd-spelarar.
Kan slette Hødd-rekord
No har Nevstad likevel sjansen til å slette rekorden i blå-trøya. Han har spelt berre nokre få treningskampar denne vinteren og våren, men seier til NRK Møre og Romsdal at han no satsar for fullt så lenge det er behov for han. Det er likevel eit stykke opp til både Sundgot og Hasund, så Nevstad må nok spele 2-3 sesongar til for å verte den mestspelande Hødd-spelaren nokon gong.
I går var han sentral midtbane saman med Tommy Sylte og viste at han har brukt vinteren godt til å halde forma ved like. I tillegg til å vere dagleg leiar i klubben er han også assistenttrenar under hovudtrenar Stig Monsen. Det kjem med andre ord til å verte mykje Hødd på Nevstad også denne sesongen.
Prosess
|
Andre Nevstad, anno 2005. |
Til NRK seier midtbanespelaren at han har vore inne i ein prosess som har enda opp med at han likevel vil satse på Hødd. Etter fjoråret hadde han tilbod frå Aalesunds FK, men takka nei. I staden for å halde fram i Hødd bestemte han seg for å legge opp. Hødd-trenar Stig Monsen og sportssjef Harald Aasland Riise har påverka Nevstad til å halde fram på bana og dette har no gitt resultat.