Kaptein på Aafk, Amund Skiri, har fått tilbod om toårs-kontrakt med Vålerenga.
|
Amund Skiri. |
Kaptein Amund Skiri har vore ein svært viktig spelar for den enorme framgangen Aalesunds fotballklubb har hatt dei siste åra. Skiri kom til Aalesund frå Åndalsnes I.F. i 1997. No kan dagane som Aalesunds-spelar vere talte.
Bestemmer seg snart
- Denne avgjerda tek eg ganske snart, seier Skiri til NRK Møre og Romsdal. I løpet av nokre dagar, mest sannsynleg denne veka så er dette avgjordt, seier han.
Aafk og Vålerenga
Amund Skiri vil ikkje vere særleg konkret om kva planar han har for neste sesong. Men han legg ikkje skjul på at både Aafk og Vålerenga er svært aktuelle klubbar for han.
- Eg har gjordt mine tankar om kva som skal skje, men dei kjem eg ikkje med no. Men i løpet av nokre dagar skal eg ha bestemt meg, seier han.
Knappe svar
Amund Skiri er forholdsvis knapp i svara når han får spørsmål om kontraktstilboda:
- Men er det Vålerenga og Aalesund det står om?
- Det er to aktuelle klubbar,ja.
- Har du fleire?
- Nei, det vil eg ikkje kommentere, seier Skiri.
God sesong
Amund Skiri seier han er svært nøgd med sesongen Aalesund har gjennomført. - Vi fekk 64 poeng, det same som vi fekk då vi rykka opp forrige gang, det er ein god poengsum. Vi har tapt 8 kampar, det er ikkje så bra. Målet var å rykke opp, det klarte vi, og då MÅ vi vere fornøgde, seier Skiri.