Kenneth Giske legg opp

Giske spelte aldersbestemt landslagsfotball som tenåring og blomstra då han gjekk frå Valder til Hødd som 16-åring. Han var med på Hødd-laget som spelte i Tippeligaen i 1995. Etter dette hamna han i Lillestrøm, der han hadde store vanskar med skadar. Han fekk ikkje mykje speletid på Åråsen.

Etter ein periode i lågare divisjonar gjorde han come-back i norsk toppfotball på Jæren med Bryne. Han har spelt både back og midtbane, og fekk tilbod med Bryne om å halde fram. Han har takka nei til dette, og seier til Stavanger Aftenblad at han skal prioritere studiar i historie og pedagogikk frå januar.

- Det er tidleg å legge opp, men slik blir det. Avgjerda er teken uavhengig av om Bryne bergar plassen eller ikkje, seier Giske.