I 1. divisjon møter Hødd ein tøff motstandar på heimebane.
Serieleiar Hønefoss kjem, men Hødd-trenar Harald Aasland Riise trur dei kan slå topplaget.
- Vi møter eit lag som er veldig flinke til å avgjere kampar. Fleire gonger har dei avgjort i løpet av dei siste minutta, så vi må verkeleg stå på i 90 minutt, seier Hødd-trenaren.
Må score på sjansar
Han vedgår at det blir ein tøff kamp og han understrekar at skal dei ha sjanse til å vinne, må dei score på sjansar. Dette har laget slite med den siste tida.
Aasland Riise seier likevel at han ikkje blir overraska om sit igjen med tre poeng etter kampen.
Stiller med sterkt lag
- Vi har hatt ei god treningsveke og har så godt som alle mann tilgjengeleg. Når vi no kan velje frå øvste hylle, stiller vi eit svært sterkt lag, avsluttar Harald Aasland Riise.
Tips andre om denne saken
Utskriftsvennlig versjon