|
Kråmyra |
Tidlegare Kråmyra-helt, Sture Fladmark, veit at oppgjeret mot gamleklubben søndag blir kjempeviktig i kampen for å berge plassen i Tippeligaen.
Lyn sin assistenttrenar var i mange år ein av AaFK sine beste spelarar. Han spelte sist for klubben under Egil Drillo Olsen i 1989-sesongen.
Vinn eller forsvinn
No vender han tilbake til Kråmyra, og veit at det blir ei vanskeleg oppgåve sjølv om tango-trøyene enno ikkje har vunne der i år. Fladmark seier at for AaFK er truleg denne kampen vinn eller forsvinn for å berge plassen. Dersom Lyn skulle tape er Oslo-laget for alvor med begge beina i nedrykningsstriden. No ligg Lyn på den utsette kvalifiseringsplassen med 16 poeng. Det er tre poeng meir enn Tromsø, og fire framfor AaFK. Dei oransje kan difor kutte ned forspranget drastisk ved å ta sin første siger på Myrå søndag klokka atten.
Spesielle kjensler
Fladmark seier at det blir med spesielle kjensler han kjem tilbake til Kråmyra. Han hadde ikkje trudd før sesongen at kampen kom til å bli så viktig som dette. AaFK og Lyn er dei to einaste klubbane ålesundaren har vore innom i sin karriere som spelar og trenar, og han veit akkurat kor vanskeleg kampen kjem til å bli. AaFK slo Lyn 2-0 i 1.divisjon i 1998-sesongen. Dette er første gong laga spelar mot kvarandre i Ålesund i Tippeligaen. I vårkampen på Ullevål vann Lyn 2-1 etter at AaFK hadde tatt leiinga.