Bosniarar som har flykta til Noreg har ei vanskeleg tid no når rettssaka mot Milosevic har starta i Haag. - Han stal identiteten vår og fordreiv oss frå landet vårt. Eg håpar han får ein rettferdig dom i Haag, seier Zlatko Dzaferovic.
Av:
Audhild Gregoriusdotter Rotevatn
Slobodan Milosevic regjerte i Jugoslavia i tretten år. Han står i dag tiltalt ved domstolen for krigsbrotsverk i Haag, for folkemord. Han er tiltalt for å ha drepe fleire tusen muslimar i Bosnia i 1995.
Milosevic er vidare skulda for å ha fordrive ein million menneske i krigane i krigane i Kroatia, Bosnia og Kosovo.
Ein av dei er Zlatko Dzaferovic. Han flykta til Noreg i 1993
og juristen bur i dag i Trondheim.
- Han stal identiteten vår
- Eg har kome hit til Noreg utan min eigen vilje. Eg vart fordrive frå landet mitt, fortel Dzaferovic. Familien og venene til familien er spreidd over heile verda. Han meiner at rettssaka i Haag kan gjere det råd å leggje fortida bak seg og gjere at ein klarer å leve saman:
- Dette vil bety mykje for alle, men særleg for dei som enno bur på Balkan. Eg trur at ein nøytral domstol som denne, er den beste. Og at dei klarer å føre prov for overgrepa, seier Djaferovic.
Vanskeleg
Mange bosniarar synest det er vanskeleg å snakke om krigen. Opplevingane og kjenslene kjem fram att.
- Ein dom kan berre delvis reparere. Men den kan aldri erstatte alle dei ofra, alle dei som har mist livet, seier han.
Tips andre om denne saken
Utskriftsvennlig versjon
