Av
Vidar Vie og
Kjell Arvid Stølen
Koret song og champangekorkane gjekk i taket i valvakelokala på Sunnfjord Hotell måndag kveld. Senterpartiet har ikkje gjort det betre sidan EU-valet i 1993. Liv Signe Navarsete var strålande fornøgd.
- Audmjuk
Men håpet om to direktemandat brast ganske tidleg. I fleire av kommunane i Indre Sogn gjekk partiet tilbake. For fire år sidan mobiliserte dei for å få inn Navarsete då ho stod på andreplass på lista. Dei var ikkje like interesserte i å få inn årets toar, Erling Sande frå Bremanger. Men også han skålte i champagne i natt. - Eg blir audmjuk i forhold til den tilliten folk i Sogn og Fjordane viser Senterpartiet, dei har tru på at vi har dei gode løysingane for Sogn og Fjordane, seier Sande.
Klar bodskap frå Sogn og Fjordane
Tysdag morgon reiste nestleiar i Senterpartiet, Liv Signe Navarsete, til Oslo for å legge slagplanen for ei raudgrøn regjering, saman med dei andre toppane i Senterpartiet. Med seg har ho ein klar bodskap frå folket i Sogn og Fjordane. - Dei har sett at Bondevik-regjeringa har ført ein politikk som ikkje er den rette for Sogn og Fjordane. Dei ynskte eit skifte, og det er valresultatet eit tydeleg uttrykk for.