"Je tenkje på alt je ska fortelja deg"

Ung debutant

Foto: Gyldendal forlag

Ove Røsbak starta tidleg å skrive. Debutsamlinga "Lævandes dikt" kom i 1978, og då var forfattaren enno i tenåra. Men som gjest i Poesi-tid røper han at skrivinga starta han med alt i 10-11 års-alderen.

Men på den tida var stilen helst litt høgverdig, "Bjørnsonsk". Han la også sin elsk på anti-krigsdikt, fortel han med eit smil på lur.

Børli og Jacobsen

Då eg vitja forfattaren i huset hans i Ryllikvegen på Lillehammer, hadde han nyleg fullført sin biografi om Rolf Jacobsen, kanskje den lyrikaren Røsbak vil sette aller høgst. Men i ungdomen var han også svært oppteken av dikta til Hans Børli.

USA

Røsbak innrømmer at han, kanskje særleg i yngre år, vart lei av å bli kalla heimstad-diktar. Og som utvekslingsstudent i USA gjekk han på skrivekurs for å rive seg laus frå denne tradisjonen. Men sjølv om han der skreiv dikt på engelsk, vart det til at han omsette dikta til Hedmarksdialekt når han kom heim. Og mange av dikta i boka "Astronaut i magarommet" er nettopp eksempel på dette.


Poesi-tid, NRK P2
Måndag 11/3 2002
klokka 1930