skilleUnderholdning: Monsen (trippel)skille_slutt
toppbanner_livet3
Her er du: NRK.no > Programmer > Radioarkiv > På livet laus Sist oppdatert 15:52
 

Den fyrste song

Maleri av Chr.Krogh
Maleri av Chr.Krogh
Per Sivle var berre 2 1/2 år då mor hans døydde. Han var ofte ved mors si grav og det var her tonane kom til han - songen som allting heilar.

Publisert 07.02.2003 12:31. Oppdatert 10.02.2003 09:29.
LYD OG VIDEO  Lyd Video
Hjelp | Mer lyd og video




Lausungen

Per Sivle kom til verda på garden Flåm i Aurland i 1857. I kyrkjeboka står han med ein ring kring navnet sitt. Det fortel at foreldra ikkje var gift og at guten var lausunge.


Mora som vart kasta frå barndomsheimen fordi ho var gravid, hoppa i sjøen for å avslutta livet sitt, men vart berga og seinare gift med faren, Erik Sivle frå Vossestranda. Etter tredje tvillingfødsel døydde Susanna i barselseng. Då var Per 2 1/2 år og einaste overlevande barn.

Fars vonbrot

Eirik Sivle var fehandlar og tente gode pengar. Han betalte godt for det einaste barnet sitt hos fosterforeldra. Per skulle sleppa å hjelpa til på gardane slik andre unge måtte.

Faren meinte han skulle bli prest. Men Per hadde draumar på tvers av mektige far sin, og då Anders Hovden ein dag møtte faren, fortalde han med ruvande røyst kor vonbroten han var over sonen sin som hadde kosta han mange pengar, men lite fått til.

Mors-saknet

Per Sivle vart diktar, men fekk ein tung lagnad. Helsa var dårleg, smerta i hovudet tok overtaket, ekteskapet gjekk over styr og diktargasjen vart dradd inn. Men midt i det vonde kunne han sjå mors andlet som ein skimt eller ein ljoske. Når liinga var ekstra stor, var det som om ljosken kom nærare.

Han var ofte på grava til mor si, for både faren og andre fortalde kor snill og god mor han hadde.
Og det er frå mor si grav - songen stig .. den song som allting heilar.



På livet laus, NRK P2, 9. og 13. februar 2003


Av


 
Søk i NRK Nettradio
Banner Redaksjonen
PÅ LIVET LAUS
Sendetider i P2:
Søndager kl. 8.30
Torsdager kl. 14.30 (R)
KOLOFON
Post: RC41, NRK, 0340 OSLO
På livet løs
Tlf: 23 04 88 64
Faks: 23 04 74 70
10 SISTE PÅ LIVET LAUS
Copyright NRK © 2008  -  Telefon: 815 65 900  -  E-post: info@nrk.no