skilleUnderholdning: Monsen (trippel)skille_slutt
toppbanner_livet3
Her er du: NRK.no > Programmer > Radioarkiv > På livet laus Sist oppdatert 15:52
 

Kvinna bak Blaafarveværket

Tone Sinding kom til Modum da ho var 17 år. Da søkte ho Kongen om å få gifte seg med Kjell Steinsvik. I år feirar kunstutstillingane ved Blaafarveværket 25-årsjubileum.

Publisert 16.05.2002 18:27.
Kjell Steinsvik kjøpte i 1958 Morud Bruk for produksjon av stein- og betongelement, og flytta til Modum med si unge brur. Og frå ein dag i 1968, da han oppdaga at det var planar om å byggje ein trevarefabrikk ved den gamle Glashytta, har kvar dag stått i Blaafarveværkets teikn. Med harde og mjuke tak har Tone Sinding og mannen skapt både eit kunstsenter og eit museum som er kjent i store deler av Europa.

Sterk motvind

Og dei harde taka nedfelte seg blant anna i at dei sa opp lokalavisene for å unngå å få motstanden rett i ansiktet før arbeidsdagen starta. Dei las alt som Argus-klipp litt seinare. For dei har ikkje berre hatt medvind i arbeidet.

Aldri meir stress

Tone Sinding Steinsvik er administrerande direktør og kunstnarleg leiar for Blaafarveværket. Kjell Steinsvik døydde i 2000, og da bestemde ho seg for ikkje å stresse meir: ho måtte gje rom til innfall og kreativitet. Og når ho er sliten på ein fredag ettermiddag går ho rett til sengs og blir der til utpå laurdagen – da er som ved eit under kreftene tilbake. Og ho er velsigna med evne til å synast at ikkje noko arbeid er kjedeleg, til og med å vaske opp når ho er på hytta er heilt fint!

Blomstrande frukttre

Den 18. mai opna jubileumsutstillinga – Tone Sinding Steinsvik vil at vi skal oppdage den svenske kunstnaren Carl Fredrik Hill (1849-1911), ein av dei store i nordisk kunst, men lite kjend i for mange her i landet. Svenskane står i kø for å sjå han, og det gjer dei rett i, både oljemålarstykka og teikningane hans set spor.

Huset i huset

Og i det gamle, vakre våningshuset på Nyfossum stiller Ida Lorentzen ut bilde i pastell, med motiv frå dette huset. Ei spesiell oppleving i eit særprega hus.









Av Astrid Brekken

NRK P2 På livet laus, søndag 19. mai 2002 kl 830, torsdag 23. mai kl 1430.


 
Søk i NRK Nettradio
Banner Redaksjonen
PÅ LIVET LAUS
Sendetider i P2:
Søndager kl. 8.30
Torsdager kl. 14.30 (R)
KOLOFON
Post: RC41, NRK, 0340 OSLO
På livet løs
Tlf: 23 04 88 64
Faks: 23 04 74 70
10 SISTE PÅ LIVET LAUS
Copyright NRK © 2008  -  Telefon: 815 65 900  -  E-post: info@nrk.no