Då Kjellrun Færøvik vart enkje for 25 år sidan, starta eit nytt liv for den tidlegare prestefrua, eit liv ho lenge heldt for seg sjølv: Som forfattar av historier "fra virkeligheten."
Tante inspirerte
Kjellrun Færøvik var fødd i Vikna i Trøndelag. Det var kustus i heimen med ein far som heldt på sine ideal. Unge Kjellrun ville ut for å bli noko: Pianist, fiolinist, forfattar. Ho hadde mange draumar då ho havna på gymnaset i Kongsberg. Her budde ho hjå tante Magnhild Haalke, forfattaren - som meinte at trong ho pengar, kunne ho vel skriva litt. Dermed starta ein liten eventyr-karriere som ga kjappe pengar.
Diktar tilværelsen
Så fridde presten. Det vart fire born, travelt prestekone-liv og ingen fleire eventyr. Det vart eit meingsfylt liv rundt om i Norge. Sånn skulle det vera. Men - for 25 år sidan døydde ektemannen. Det var hardt å bli åleine. Helsa var dårleg, dagane tunge, men fantasien levde.
Kjellrun sette seg til skrivemaskinen igjen. Det vart ingen eventyr, men historier "fra virkeligheten" for vekebladet Hjemmet - under pseudonym.
-For livet er så kort - og det ein ikkje får med seg, kan ein vel dikta! meiner den 93-årige presteenkja som stadig leverar sine kjærleikshistorier.
Og skriv ho ikkje, tar ho fram penselen og malar tilværelsen.
Av Åshild Ulstrup
På livet laus, NRK P2, 10. mars 2002
Tips andre om denne saken
Utskriftsvennlig versjon
