skilleUnderholdning: Monsen (trippel)skille_slutt
toppbanner_livet3
Her er du: NRK.no > Programmer > Radioarkiv > På livet laus Sist oppdatert 15:52
 

Når landskapet eggjar og kreftene rår.

Oslo-guten Torbjørn Røberg var 26 år gamal då han vart sendt til Lærdalsdistriktet for å finna ut om der var fortidsminne det var verd å ta vare på. Verdas lengste tunnell skulle byggjast. Til stor undring fann den unge arkeologstudenten så mange segner på folkemunne at det i fjor kom ut ei bok med tittelen:" Bergteken. Nye vegar til gamle segner"

Publisert 20.12.2001 10:29. Oppdatert 20.12.2001 10:32.

Huldra i tunnellen

Då Torbjørn Røberg kom til Lærdal, var det ikkje for å sanka segner. Han var ingen folkeminnegranskar. Men det var på folkemunne han fann stoffet.

Den første segna var om jenta som vesle juleftan vart bergteken akkurat der tunnellen skulle starta.
Til slutt hadde han opptak av 88 segner knytta til landskapet kring tunnellen, segner om troll og huldrer, gudar , folk og fe.

Mange av segnene var knytta til spor i naturen, t.d. var det hjulspor etter Odin si vogn, Jøtulmannen i steins form kneikja over villmarka, men den mest spennande turen gjekk via segna til berget som gøymde på dei største helleristningane til nå.

Den farlege jula

Ikkje alt kring jul er av det vakre slaget. Den som hadde julegeita i nærleiken, var i stadig fare. Ho var stygg og ragget og på jakt etter ulydige born, fortel Marit Hoel frå Sunndalen.

Julereia som i ulike strøk kom til ulike tider, var heller ikkje å spøkja med. Ingen var ute den kvelden, fortel 90 år gamle Guri Lykken frå Valdres, for den kvelden kunne enda med drap.

Dekka til jolesveinane

Guri Lykken er ei av dei som ennå lever etter tradisjonar som for dei fleste høyrer til i folkeminnearkivet. Så lenge ho har levd, har duka bordet til jolesveinane som jolekveldsnatta kjem ridande på brune hestar for å eta lutefisken og ho har laga til. Elbjørgskvelden etter jul tar ho ei skei med øl og kastar i varmen med orda: "Eg drikke deg te'"for å verna seg mot elden.

Det var viktig den gongen dei berre hadde levande lys,
fortalde også Daniel Hoftun frå Suldal. Lyset verna mot vonde makter. Det same gjorde tjørekrossen over fjøsdøra. Det var den gongen bonden gjekk til dyra sine og sa god jul til kvar av dei.

Av Åshild Ulstrup

På livet laus, NRK P2, 23. desember 01


 
Søk i NRK Nettradio
Banner Redaksjonen
PÅ LIVET LAUS
Sendetider i P2:
Søndager kl. 8.30
Torsdager kl. 14.30 (R)
KOLOFON
Post: RC41, NRK, 0340 OSLO
På livet løs
Tlf: 23 04 88 64
Faks: 23 04 74 70
10 SISTE PÅ LIVET LAUS
Copyright NRK © 2008  -  Telefon: 815 65 900  -  E-post: info@nrk.no