Det kan bli slutt på eigenandelen på datamaskinar i skulen.
Eigendelen er i strid med utdanningslova.
Frå første januar må elevar med skrivevanskar sjølve betala 2000 kroner for å få det datautstyret dei treng for å kunna skriva rett. Men denne eigenbetalinga kan vera i strid med opplæringslova, og no vil sosialministaren vurdera det på nytt.
I dag tok stortingsrepresentant Åse Wisløff-Nilssen frå Kristeleg Folkeparti opp saka i Stortinget. Ho er også leiar i Norsk Dysleksiforbund. Og det er særleg folk med dysleksi og andre skrivevanskar som blir ramma av denne eigendelen.
Dei treng retteprogrammet på datamaskina for å gjera skulearbeidet. Utan retteprogram, blir det mykje feilskriving for dei som har vanskar med å få bokstavane til å bli forståelege ord. Difor har desse krav på å få låna datamaskin via hjelpemiddelsentralen. men frå første januar kostar det 2000 kroner. Det kan vera i strid med opplæringslova, og sosialminister Guri Ingebrigtsen lovar å sjå på eigendelen ein gong til.
Tips andre om denne saken
Utskriftsvennlig versjon
