Av :
aagot.opheim@nrk.no
Dei yngste skulebarna har ikkje godt av den samanblandinga av ulike religionar som skjer i dagens religionsfag, Kristendom, Religion og Livssynskunnskap, meiner fylkeslaget som hadde årsmøte i helga.
Før heitte det kristendomskunnskap og var for dei fleste. Dei som ikkje kjente seg heime i kristendommen, kunne velgja faget livssynskunnskap.
Frå midten av nitti-talet fekk grunnskulen eit nytt religionsfag for alle: Kristendom, religion og livssynskunnskap. Det er eit fag med eit så langt namn at det måtte forkortast. Heretter heiter det KRL-faget.
Forvirrande
- Det er uheldig at dei yngste skule-elevane skal læra om andre religionar, seier Bergensordførar Kristian Helland frå Kristeleg Folkeparti. I helga fekk han med seg fylkesårsmøtet i partiet på å gå gjennom KRL-faget på nytt.
- Faget er forvirrande for små barn, seier Helland. Først må dei læra å kjenna sin eigen religion før dei kan læra om andre, meiner han.
Helland vil ha kristendomsfaget tilbake, med parallellundervisning for elevar med andre livssyn. - Andre livssyn bør ikkje koma før i 5.-6.klasse til dømes i eit fag som kan kallast, Kultur og samfunn, seier ristian Helland.
- Tøv
- Tøv, seier stortingsrepresentant Rolf Reikvam frå SV. Han er leiar i utdanningskomiteen, og meiner det er viktig at skuleelvar lærer både om sin eigen og andre religionar.
Reikvam synest det er rart at KRF i Hordaland kjem med dette no når Stortinget skal behandla ei eiga sak om trus-opplæring til våren. Der legg Stortinget opp til at trussamfunna skal bli i stand til å driva livssynsopplæring sjølve utanom skuleverket.
Tips andre om denne saken
Utskriftsvennlig versjon
