- Ledige treng ikkje ferie

LYD OG VIDEO

HØYR DEBATT: Per Sandberg (FrP) mot Karl Eirik Schjøtt Pedersen (Ap)  Debattleder: Gunnar Hybertsen

Hjelp | Mer lyd og video

Dei arbeidsledige kan tape opp mot 20.000 kroner i året på budsjettforliket. Regjeringa og Framstegspartiet er nemlig samde om å kutte kraftig i dagpengane. Det som vil merkast best er at feriepengane forsvinn.

Per Sandberg (FrP)

Må motivere folk

- Ferietillegget blir fjerna fordi svært få arbeidsledige nyttar seg av ordninga. Folk tek heller ut trygd enn å ta ut feriepengar, for det tener dei meir på, seier stortingsrepresentant Per Sandberg (FrP).

Med feriepengane forsvinn nesten ti prosent av dagpengane. Hadde du ei løn på 250.000 kroner i siste jobben din, tyder det at du mistar 14.820 kroner av dagpengane dine. Tente du 325.000, mister du over 19.200 kroner, ifølgje Dagens Næringsliv.

- Usosiale kutt

Karl Eirik Schjøtt-Pedersen

- Dette er eitt av dei mange usosiale kutta som er komme inn i budsjettet. Dei arbeidsledige har svak økonomi og ikkje råd til å tape opp mot 20.000 kroner i året, seier Karl Eirik Schjøtt-Pedersen (Ap).

Alle som har vore ledige meir enn åtte veker har rett på dagpengar. I år gjeld dette 120.000 menneske.

- Vi må ikkje ha ordningar som gjer at folk ikkje blir motivert til å søke jobb. Ved å ta bort ferietillegget vil folk bli nøydde til å ta eigne initiativ til å komme fortare i arbeid, seier Sandberg.

- Eg blir opprørt av å høyre slike usosiale utsegner, seier Karl Eirik Schjøtt-Pedersen.

Kan reise til syden

- Viss folk absolutt vil på ferie, så kan dei reise til Syden og ta seg jobb der, seier Sandberg.

Men regjeringa og Frp er samde om fleire kutt. I dag har du rett på dagpengar i tre år, no blir det redusert til to. Dessutan må du i dag vera førti prosent arbeidsledig for å få dagpengar. Frå nyttår aukar dette kravet til 50 prosent. Kravet til inntekt aukar også, frå 67.500 til 81.000 kroner

Alt i alt ei sparer staten nesten 1,5 milliardar kroner på dei arbeidsledige.