Av :
aagot.opheim@nrk.no
19.april 2003 ønskjer danske Susanne Nielsen og Carsten Henningsen å gå opp kyrkjegolvet med McDonalds, Nokia, Sony og andre reklamemerke på brurekjolen og smokingen. Slik får dei andre til å betala bryllaupsfeiringa til 100 000 kroner.
Berre presten manglar
Alt er klart til sponsa bryllaupsfeiringa om nesten eit halvt år. Berre presten manglar. For presten i heimekyrkja deira i Vojens på SørJylland seier nei. Han vil ikkje bruka den danske folkekyrkja til å via levande reklamesøyler.
- No er me i kontakt med to andre prestar, seier Kenneth Lund Petersen. Han er mannen bak sponsorbryllaupet som er det første i sitt slag i Danmark.
Plan B er hagebryllaup
- Sjølvsagt har eg fått dette i stand for å skapa blest om min eigen nettstad, bryllup.dk, seier han til Her&Nå. Og han reknar ikkje med at det blir fleire slike full-sponsa bryllaup. - Det er berre mogleg å få media interessert i noko slikt ein gong reknar han med.
- Plan A er å finna ein prest som er villig til å via brureparet, Susanne Nielsen og Carsten Henningsen, i kyrkja. Men viss me ikkje får det til, satsar me på å få til bryllaupet i hagen til brureparet, seier Kenneth Lund Petersen
Tips andre om denne saken
Utskriftsvennlig versjon
