- Dei fleste vil ikkje ha hjelp til å oppsede borna sine, sa professor Trond Skar Dokka på kyrkjemøtet tysdag. Regjeringa og kyrkja vil bruke ein kvart milliard på å gi 315 timar med dåpsundervisning til alle som er døypte.
- Eit fleirtal av dei som har døypt ungane sine, ynskjer ikkje kyrkja si hjelp til å oppdra dei, sa professor Trond Skar Dokka til kyrkjemøtet tysdag. Kvart år blir femti tusen born døypt. No vil regjeringa tilby dei 315 timar dåpsundervisning kvar.
 |
| Dei fleste av dei som døyper borna sine ynskjer ikkje kyrkja si hjelp. |
Det seier stortingsmeldinga "Trusopplæring i ei ny tid", som vart lagt fram i statsråd for kort tid sidan. Frå eit barn er døypt til det fyller 18 år får han eller ho omlag 315 timar dåpsopplæring - medrekna konfirmantundervisninga på 45 timar, foreslår regjeringa.
Opplæringa skal innarbeidast over ein periode på fem til ti år. Pris: ein kvart milliard kroner.
- Vi må motivere foreldre til å forstå at det høyrer livslang læring til dåpen. Dette er ikkje ein invasjon av kvar enkelt sitt liv, men ei hjelp til å navigere i eit samfunn der det blir stadig meir vanskeleg å navigere moralsk og etisk, seier direktør Erling Pettersen i Kyrkjerådet, ein av arkitektane bak dåpsopplæringa.
Han fryktar ikkje at folk vil unngå å nytte seg av regjeringa sitt undervisningstilbod.
- Eg trur vi vil møte ei opnare haldning til dette framlegget enn mange trur, seier Pettersen.
 |
| Folk ynskjer ikkje hjelp av kyrkja til å oppsede born, seier professor. |
Trussamfunna er likestilt
Alle trussamfunn blir likestilte når det gjeld å få pengestøtte frå Staten til dåpsopplæring, og den skal reknast ut etter kor mange medlemmar trussamfunnet har.
Sidan det største trussamfunnet her i Noreg framleis er den norske kyrkja, får den naturleg nok også mest støtte til den nye dåpsopplæringa. Og for Regjeringa er målet med reformen klar, slik det står å lese i pressemeldinga frå Kultur- og Kyrkjedepartementet:
"Regjeringen anser dette som en viktig del av å holde ved like og utvikle den norske kirke som en folkekirke og føre videre den kristne kulturarven, sier statsråden."
Men samstundes med at Regjeringa foreslår ei ny dåpsopplæring i offentlege barnehagar og skular, er tilhøvet mellom Stat og kyrkje langt i frå avklart. Truleg blir kyrkja skilt frå staten om få år.
- Dette går utruleg mykje pengar til det her. Pengar som kunne vore brukt betre, til dømes for å styrke skulen som heilskap, seier generalsekretær Lars Gule i Human-Etisk Forbund, som tykkjer det er merkeleg å innføre ei slik dåpsopplæring no som stat og kyrkje er i ferd med å skiljast.
- Det er viktig for borna våre å få opplæring i den kristne trua viss dei vil ha det, seier kultur- og kyrkjeminister Valgerd Svarstad Haugland. Men Lars Gule er usamd.
- Det er uhøyrt å bruke så mykje pengar på ei ordning som kan bli avvikla etter få år, seier han.
Tips andre om denne saken
Utskriftsvennlig versjon
