Den omstridde presten Helge Hognestad seier i Aftenposten i dag at du slett ikkje MÅ vera døypt for å koma til himmelen. Det er ikkje første gongen Hognestad trør utanfor den smale stien innan kyrkja. I 1984 sa han opp stillinga si som kappelan i Høvik i Bærum etter ein lengre strid fordi han som prest ikkje sjøl bekjente seg som truande. I 1998 søkte han igjen om å få koma tilbake som prest, og i dag vikarierer han periodevis som prest i Hamar bispedømme.
 |
| - Ein treng ikkje vere døypt for å komme til Gud, meiner Hognestad (foto: NRK) |
Alle har del
Hognestad seier at alle menneske har "del i Guds rike", uansett om ein er døypt eller ikkje. Og Jesu oppstandelse er berre ei tolking av kva som skjedde for for snart 2000 år sidan. Og tidlegare i år har han sagt at kyrkja må slutta å forkynna om synd - slutta å fortelja at mennesket er skilt frå Gud.
I kyrkja si lære er det klart at mennesket blir Guds barn gjennom dåpen. Det er gjennom dåpen mennesket får del i frelsa og det evige livet.
"Lat småborna koma til meg og hindra dei ikkje - for Guds rike høyrer slike til", er ordlyden i Markus 10,14, og dette er viktig for Hognestad.
- Vegen går gjennom dåpen
Indremisjonen meiner derimot at vegen til Gud går gjennom døypefonten. Karl Johan Hallaråker, generalsekretær i Indremisjonsforbundet forstår difor ikkje at utspelet til Hognestad kan kombinerast med det å vere ordinert prest. - Dåpen er nødvendig for frelse. I Efeserbrevet 2,3 står det at mennesket av natur er vendt vekk frå Gud. Frelsa må meddelast frå Gud og dåpen er eit nådemiddel, påpeikar Hallaråker.
- Hognestad tolkar vekk det som står i bibelen. Skrifta er tydeleg og klar, seier han.
Av
Håvard Kleppa
Tips andre om denne saken
Utskriftsvennlig versjon
