Framprovoserer privatskular

LYD OG VIDEO

Misnøgde foreldre kjøper bøkene sjølve   Debatt Magnhild Meltveit Kleppa og kommunalminister Erna Solberg

Hjelp | Mer lyd og video

Espen Gylvik er far på Holumskogen skole

Torsdag vedtok foreldra på Holumskogen skole i Nittedal frivillig foreldrebetaling. Og opprøret sprer seg fordi foreldre landet rundt meiner den offentlege skulen er for dårleg.

På fleire andre skular kan me også venta at foreldra går til ulovlege aksjonar for å skaffa lærebøker til ungane sine gjennom foreldrebetaling.

- Dette viser at kommuneøkonomien er for dårleg, meiner senterpartipolitikar Magnhild Meltveit Kleppa. Ho er leiar i kommunalkomiteen i Stortingtet. Ho meiner regjeringar framprovoserer privatskular ved å pina kommuneøkonomien. Slik får ikkje kommunane råd til å satsa på den offentlege skulen.

Resultatet av det ser me no om dagen når misnøgde foreldre set i gang ordningar med skulepengar for å sikra lærebøker og anna skulemateriell. - Dette er ei snikprivatisering av den offentlege skulen som me ikkje vil ha, seier Magnhild Meltveit Kleppa.

- Alle som ønskjer ein god gratis skule må no engasjera seg for meir pengar til kommunane, seier Kleppa. Ho viser til at Stortinget skal vedta dei statlege tilskota til kommunane om to veker.