- Me streikar for å behalda kveldstillegget, seier dei tilsette på sjukehusa. I kveld fylgjer tilsette på alle norske sjukehus spent med på siste nytt frå meklinga mellom arbeidsgivarorganisasjonen NAVO og fagorganisasjonane.
- Me har hatt kveldstillegg frå klokka 17 i alle dei 20 åra eg har arbeidd på sjukehuset, seier hovudtillitsvalt for kommuneforbundet på St Olavs Hospital, Sigmund Eidem. Han trur NAVO kjem til å gi seg på dette: - Men NAVO har overraska tidlegare i negativ lei, seier han. Kommuneforbundet er difor klar til å ta 150 tilsette ut i streik frå i morgon.
Helse og soasialforbundet tar ut nesten 2000 hjelpepleiarar i streik frå og med i morgon dersom ikkje partane blir samde i kveld. Dei streikar for høgare løn, og har lagt merke til at hjelpepleiarane som er tilsette i kommunane har fått ein lønnsauke på 20 000 kroner i året. Men også hjelpepleiarane har latt seg provosera av forslaget om å fjerna kveldstillegget. - Det er streikegrunn, seier hovudtillitsvalt Gunnveig Hallstadtrø.
Tips andre om denne saken
Utskriftsvennlig versjon
