No skal rikingar kunna starta privatskular her i landet dersom dei meiner den offentlege skulen er for dårleg. Utdanningsminister Kristin Clemet vil endra privatskulelova. Det kjem til å skapa sosiale skille, seier motstandarane. Høyr debatten i Her&Nå.
I dag er det berre lov å starta privatskular som er eit livssynsmessig eller pedagogisk alternativ til den offentlege skulen. Slik er norske privatskular stort sett anten kristne eller Steiner- og Montessori-skular. Dette er for snevert meiner Clemet.
I tillegg likar ikkje Clemet at dagens lov opnar for tolkningar. Slik har det vore vanskelegare å få godkjenning som privatskule av ein Arbeidarparti-statsråd enn av ein borgarleg statsråd.
I april sender Kristin Clemet eit framlegg til ny privatskulelov på høyring. Ho meiner kravet til eit alternativt formål skal erstattast med eit krav til innhald og kvalitet på friskulen. I tillegg vil ho at alle som oppfyller krava når det gjeld kvalitet og innhald, skal godkjennast uavhengig av kven som sit i regjeirngskontora.
Dette kjem til å føra til sosiale skille, meiner Stortingsrepresentant Karita Bekkemellem Orheim frå Arbeidarpartiet. Slik vil folk med god råd, kunna kjøpa seg bort frå nedslitte og gamle offentlege skular.
Tips andre om denne saken
Utskriftsvennlig versjon
