Trugar med injuriesøksmål

LYD OG VIDEO

Høyr saka:

Hjelp | Mer lyd og video

Av:


I løpet av dagen vil bistandsadvokat Tor Erling Staff melde hundeeigaren frå Nordre Land til politiet for drap. Avgjerda er teken i samråd med foreldra til Johannes Åsheim (7) som vart drepen av hundar i Nordre Land. Familien og Staff vurderer samstundes søksmål mot dyrevernnemnda, sosialkontoret og distriksveterinæren.

- Foreldra meiner at nokon må stillast til ansvar, seier Tor Erling Staff. Han meiner at hundane har skapt frykt i bygda og at hundeeigaren måtte ha visst til dette. I tillegg meiner Staff etter å ha vore i Nordre Land og sett på hundegarden, at den ikkje har gode nok gjerder.

Dette avviser forsvararen til hundeeigaren, John Magne Hammervoll.
- Hundeeigaren er av den klare oppfatninga at hundane var forsvarleg innegjerda og at dei ikkje var farlege, seier Hammervoll.

- Ærekrenkande

Hammervoll meiner at Tor Erling Staff ærekrenkar hundeeigaren ved å melde henne til politiet for drap.
- Dette er svært injurierande. Vi vil heilt klart vurdere å saksøkje Staff for ærekrenkingar, seier Hammervoll.

John Magne Hammervoll meiner at å melde hundeeigaren til politiet no, er som å ringje brannvesenet under sløkkjing. Staff er ikkje samd.

Må etterforske

Tor Erling Staff meiner foreldra er i sin klare rett til å ta eit formelt skritt ved at hundeeigaren vert meld for drap. Han bryr seg lite om trugsmåla om injuriesøksmål.

- No må politiet etterforske saka skikkeleg, så må påtalemakta vurdere om det skal takast ut ein tilatale og seinare må domstolen kome med ein eventuell dom, seier bistandsadvokat Tor Erling Staff.