Norske fiskarar må slanke seg dersom dei skal halde fram i jobben. Staten innfører nye reglar for fiskarar, og det fell ikkje i god jord. - Yrkesforbod, raser fiskarane.
Av:
Audhild Gregoriusdotter Rotevatn
Vekt er inga privatsak dersom du er fiskar. Staten innfører no nye reglar som gjer at mange norske fiskarar må gå på slankekur for å kunne halde fram i jobben. Fiskarane er rett og slett for feite i dag!
Tryggleik
Det er omsynet til tryggleiken som gjer at det kjem nye reglar. Dersom ein er så feit at ein knapt kan gå landgangen, kan ein umogeleg gå raskt opp trange leidrar, og då vert det fare for tryggleiken.
Dersom du har BMI ( Body Mass Index) på over trettifem, er du for feit. BMI kan du finne ved å ta vekta di- td 65.3 kg, og dele denne på høgda ( td 171 cm) ganger høgda. Talet du får då er BMI. Fiskarane kan ikkje ha ein BMI over 35.
- Yrkesforbod!
Fiskarane er lite glade for denne nye regelen. Leiar i Fiskarlaget i Sogn og Fjordane, Nils Myklebust, oppfyller ikkje kravet.
- Eg fryktar at mange fiskarar vert uføretrygda som fylgje av dei nye reglane, seier Myklebust. Han får støtte av fiskarar i Måløy som meiner at det nye kravet er jamgodt med yrkesforbod.
Fiskar Knut Tennebø ( 108 kilo)fortel at han strevar med å gå ned i vekt:
- Måltida er det vi gler oss mest til ombord, seier Tennebø. Han får støtte av kollegaene sine på kaia som meiner at framlegget er tøvete.
Tips andre om denne saken
Utskriftsvennlig versjon
