Dopingsjef under VM på ski i Lahti i fjor, Inggard Lereim, var så skuffa og oppgitt etter avsløringane, at han vurderte å slutte som dopingkontrollør.
Av
Audhild Gregoriusdotter Rotevatn
Store delar av det finske landslaget vart tekne i dopingkontrollar på heimebane. Den norske lækjaren, Inggard Lereim, som også er hovudlækjar for den norske troppen i Salt Lake City, avslørte dopinga.
Nedbrutt og umotivert
- Eg miste all illusjonane når det gjald toppidrett i fjor, då eg var ansvarleg for dopingkontrollane i Lahti og fekk avdekka både det de veit og svært mykje meir, seier Lereim.
Etter mykje fram og tilbake, kom Lereim i vår fram til at det ville vere feil av han å trekkje seg som kontrollør.
- No har eg halde på i 25 år med å freiste å kjempe mot doping, og dersom eg trekk meg no, er det ein mindre til å slåst.
Ein enorm kamp
Inggard Lereim var ein av dei som fekk igjennom blodprøver i dopingkontrollane frå 1989.
- No i haust har vi kjempa for å få til dei tryggaste testane under leikane i Salt Lake City. Eg er svært desillusjonert over mange av pampane i den internasjonale idretten, seier han.
Får støtte
Professor i sosialmedisin, Per Fugelli, som har kritisert dei norske OL-førebuingane, støttar Inggard Lereim.
- Han må for Guds skuld ikkje trekkje seg, seier Fuggeli. Han meiner at Lereim heller treng moralsk støtte slik at vanviddet i toppidretten stoggar.
Tips andre om denne saken
Utskriftsvennlig versjon
