I dag offentleggjorde Utdanningsdepartementet kutt-lista etter at Stortingsfleirtalet rett før jul reduserte løyvingane til dei landsdekkjande linene med 30 millionar kroner. Verken ski eller folkemusikk skal ha plass i den vidaregåande skulen etter dette.
Men no reagerer Stortingsrepresentant Rolf Reikvam frå SV. Han er komiteleiar i Utdanningskomiteen. Saman med Framstegspartiet, Senterpartiet og Arbeidarpartiet danna SV fleirtal for å kutta i landslinene for å finansiera auka stipend.
Men no meiner Reikvam at departementet ikkje har teke omsyn til merknaden om at landsliner som er særskilt kostnadskrevande og har "nasjonal betydning" skulle skjermast frå nedlegging. I departementet får me stadfesta at saksbehandlarane berre har teke omsyn til dei linene som kostar mest. Såleis blir ikkje til dømes romteknikk og flyfag ramma. Derimot blir ski og folkemusikk lagt ned fordi dei ikkje er særskilt kostnadskrevande.
No meiner Rolf Reikvam at departementet med dette ikkje har teke omsyn til liner av "nasjonal betydning". Dette gjeld spesielt dei to folkemusikk-linene som heilt klart er viktige landsliner, seier han. Rolf Reikvam vil ta dette opp i Stortinget dersom departementet ikkje omgjer sitt vedtak.
Tips andre om denne saken
Utskriftsvennlig versjon
