Det kan bli vanskeleg for høgre, kristeleg folkeparti og venstre å bli samde om gasskraftverksaka. Sentrumsregjeringa gjekk av då Stortingsfleirtalet med Høgre og Arbeidarpartiet sa ja til å byggja gasskraftverk med dagens teknologi som inneber CO2-utslepp. Venstre og Kristeleg Folkeparti vil ikkje gi noko løyve før teknologien gjer det mogleg med forureiningsfrie gasskraftverk. No vil dei tidlegare politiske motstandarane inn i same regjering.
Snorre Gundersen frå Høgre i Nord Trøndelag meiner Høgre ikkje kan sittja i ei regjering som utset byggjing av gasskraftverk inntil vidare. Her finst det ikkje prutningsmonn, seier han til Her&Nå.
Det er i Nord Trøndelag gasskraftverk-saka er særleg viktig. Medan dei to planlagde gasskraftverka på Vestlandet har fått klarsignal til å settja i gang, ventar Norske Skog på endeleg løyve for eit gasskraftverk på Skogn i Nord Trøndelag. Venstre og Kristeleg folkeparti klamrar seg til at tida arbeider for dei. Før eller seinare vil teknologien koma fram til forureiningsfrie gasskgraftverk, men så lenge kan ikkje Høgre venta, seier Snorre Gudnersen
I dag er første diskusjonsdag for dei tre partia som i utgangspunkt har lyst til å danna regjering saman. No skal dei finna ut om det er mogleg å sameina Høgre-kravet om å byggja gasskraftverk NO, med Kristeleg Folkeparti og Venstre sitt syn om å venta.
Tips andre om denne saken
Utskriftsvennlig versjon
