Amnesty ber oss om å senda desse konsulane nokre ord. Og det har folk gjort. Dei konsulane Her og Nå har snakka med har motteke nesten hundre e-postar dei siste dagane frå folk som vil protestera mot tortur.
Dette er ein del av ein større Amnesty-kampanje mot tortur i samband med 40-års-markeringa til organisasjonen.
I dag er ei heilside i norske aviser retta mot 19 konsular som alle representerer statar med omfattande bruk av tortur i fylgje Amnesty.
Dette har fått konsulane til å reagera. Per Grieg senior som er norsk konsul for Brasil starta dagen i dag med å senda brev tilbake til Amnesty. Der skriv han at Amnesty no brukar metodar som virkar mot føremålet. Sjølv har Grieg støtta Amnesty International gjennom fleire år, men er no usikker på om han skal halda fram med støtta til Amnesty.
Knut Ødegård er generalkonsul for Makedonia i Noreg. Han kallar denne kampanjen for smaklaus. Dersom Amnesty vil ta opp forholda i Makedonia med han, bør dei gjera det utan å setta han på det han oppfattar som ei svarteliste i avisene, seier Knut Ødegård.
Tips andre om denne saken
Utskriftsvennlig versjon
