Dermed vert det rein Rogalandsfinale på Ullevaal 4. november.
Bryne sikra seg først cupfinalebiletten ved å slå Lillestrøm 4-0 på heimebane på Bryne, og dei svenske spelarane skal ha ein stor del av æra for at jærbuane no kjem til cupfinalen for første gong sidan 1987.
Pierre Gallo, Dejan Pavlovic, Peter Olofson og Kenneth Giske scora Bryne sine mål, og dermed overkjørte laget som kjempar for eliteserieplassen topplaget Lillestrøm. No var håpet på Bryne at Viking skulle få den andre cupfinaleplassen, og det håpet vart innfridd nokre timar seinare.
Då slo Viking Odd Grenland 2-1 på Stavanger stadion, etter at Jørgen Tengesdal scora det viktige 2-1 målet to minutt før full tid. Morten Berre stod for Viking sitt første mål.
Billettsalet til cupfinalen startar laurdag 6. oktober klokka 08.00, opplyser Norges Fotballforbund.
Dei har sett ei grense på fire billettar pr. kjøpar på telefonsal, og det er ikkje høve til å førehandsreservera eller kjøpa bilettar direkte frå fotballforbundet.