Statssekretær og Møre og Romsdal Venstre sin førstekandidat til valet, Leif Helge Kongshaug, må melde forfall til det som står att av valkampen. Årsaka er at han har fått kreft.
|
Foto: Torbjørn Tandberg |
Kongshaug seier han vil kjempe mot sjukdomen og for ein plass på Stortinget.
Heilt nytt
Det var sist fredag Kongshaug gjekk til lege og fekk diagnosen. Han kjente seg pigg og kjenner seg framelis frisk. No må han få blodoverføring. Det er gode mogligheiter for at han vert heilt frisk.
8 år i Oslo
Leif Helge Kongshaug har dei siste fire åra vore statssekretær i Landbruks- og Matdepartementet. Han mangla 147 røyster på å blir valt inn til Stortinget i september 2001, men fekk altså halde fram i Oslo med ein politisk jobb sjølv om han ikkje blei attvald. No håper han på ny plass sjølv om han ikkje får drive den valkampen han hadde rekna med i innspurten. Eg trur mange i Møre og Romsdal kjenner meg og kva eg står for,så eg har god tru på at Venstre skal få eit mandat, seier Kongshaug,som i dag får behandling på St.Olavs Hospital i Trondheim.
God form
Eg er i god form og kjenner med ikkje sjuk, fortel Kongshaug. I går gjekk han fire halvtimars turar og det er få som då klarer å halde fylgje med den tidlegare idrettsmannen. Og hadde eg vært heime på garden på Averøya, hadde eg nok vore i kjeldress no, legg han til.
Tomme stolar
Sjølv om Venstre har mange gode kandidatar på plassane bak Kongshaug erkjenner han at det kan bli ståande ein tom stol på enkelte stader der han etter planen skulle ha deltatt i valkampen dei neste to vekene. No kjem i staden heile ventre-leiinga til å besøke Møre og Romsdal siste veka i valkampen for å hjelpe Kongshaug til plass i Stortinget.
Du kan sjå intervju med Kongshaug i TV-sendinga vår i dag fredag klokka 1840