Meir usikkert enn nokon gong i Møre og RomsdalEi ny meiningsmåling tre dagar før valet viser at mange veljarar er på vandring mellom partia. Av Odd Sørås. Publisert 28.06.2005 12:23. Oppdatert 09.09.2005 13:40.
Nokre sikre - fleire usikreEi meiningsmåling Sentio har gjort for avisene Tidens Krav, Romsdals Budstikke og Sunnmørsposten viser at kampen om dei ni mandata frå Møre og Romsdal er hardare og meir uviss enn nokon gong før i valkampen.
Framstegspartiet (27,6 %)er det største partiet i Møre og Romsdal. Harald Tom Nesvik og Lodve Solholm er sikre på stortingsplass, og med maksimal mobilisering er det ikkje heilt umogleg at dei får med seg Harald Valved.
Arbeidarpartiet (23,4 %)får inn Asmund Kristoffersen og Karita Bekkemellem Orheim. Partiet vonar enno på å få sendt også Svein Gjelseth til Stortinget, men då må dei verkeleg mobilisere veljarane sine.
Høgre (16,5 %)sikrar mandatet til Petter Løvik, men med denne veljarprosenten er Elisabeth Røbekk Nørve ute av Mørebenken.
SV (8,8 %)har vore sikre på nytt stortingsmandat for Bjørn Jacobsen. Sannsynlegvis blir det slik, men partiet tåler ikkje å misse mange fleire veljarar før mandatet hans blir usikkert.
Kristeleg Folkeparti (8,6 %)At KrF no står svakare enn SV i Møre og Romsdal, er oppsiktsvekkjande. Partiet har gått sterkt tilbake på meiningsmålingane, og vonene om at førstekandidat May Helen Molvær Grimstad skal få med seg Modulf Aukan til Stortinget er ute for lengst.
Senterpartiet (7,9 %)har hatt framgang på meiningsmålingane i det siste, med aukande sjanse for at Eli Sollied Øveraas kjem inn att på tinget.
Venstre (6,9 %)har ingen på Mørebenken no, men har auka oppslutninga ikkje så lite, og resultatet av denne meiningsmålinga gir Leif Helge Kongshaug utjamningsmandatet.
*****
Elles stiller desse partia liste i Møre og Romsdal: Raud Valallianse, Kystpartiet, Miljøpartiet De Grønne, Demokratene, Reformpartiet, Kristent Samlingsparti.
Dei fullstendige partilistene finn du her:
LENKER
|