Nyhetsredaktør:
Eivind Molde
Nyhetsavdelingen,
tlf 23 04 21 20
nettnyheter@
nrk.no
|
| | Kremgult og lyseblått Publisert 19.07.2001 10:49 - Oppdatert 19.07.2001 16:47 Kronprinsbryllaupet kjem til å bli prega av kremgule roser, snirkleskrift og norske naturmateriale.
Slottet har fått laga ein eigen designprofil for bryllaupet. Profilen kan nyttast av både private og offentlege verksemder, og skal vere med på å skape ein einskapleg profil på bryllaupet.
MonogrammetMonogrammet til Haakon og Mette-Marit er eitt av dei berande elementa i dekoren. Monogrammet er laga av ein stor H med ein dobbel M fletta inn. Over bokstavane er ei kronprinskrone og rundt ein krans av laurbær.
 | | Dronning Margrethe |
Monogrammet er basert på ei skisse av dronning Margrethe av Danmark og er formgjeve og bearbeida av norske designarar og heraldikarar.
Kremgule roser og norsk naturSlottet har valt å bruke roser som hovudblome i markeringa. I dei fleste trykksakene, banner og andre grafiske element kjem vi til å sjå kremgule, duse roser i bakgrunnen.
Hovudfargane som kjem til å bli brukt i profileringa av bryllaupet er lys blå og kremgul.
– Fargane vart plukka ut i samarbeid og etter ynskje frå kronprinsparet, fortel Sven Gjerulfsen som er informasjonsrådgjevar på Slottet.
Ein har valt å bruke roser som hovudblomst av di dei er tidlause blomer som står som symbol både for kjærleiken og det vakre. At rosene både er opprinneleg norske og innvandra til landet er òg ein føremon.
Vi kjem ikkje berre til å sjå roser under bryllaupet: Slottet rår òg til å bruke hortensia, celosia og amarantus saman med rosene.
Bilete av paretFotografen Evy Andersen har teke fleire forskjellege bilete av kronprinsparet, mellom anna bilete i bunad og galla i tillegg til fleire portrettbilete. Desse bileta vil bli nytta av både privat næringsliv, Slottet og offentlege verksemder i samband med markeringa.
 | | Vindauge med bryllaupsartiklar |
Til bruk for næringslivetSlottet og samarbeidspartnarane håpar på god oppslutting om designprofilen.
– Vi har sendt ut meir enn 4 000 brev til næringslivet i Oslo med informasjon om profilen og tilbod om å kjøpe ferdige dekorelement, fortel Torunn Steinhaug i TS Forum.
Av Erik Bolstad
Alle bilete: Slottet/TS Forum
| |
|
SEND DIN HILSEN
KONKURRANSER
DEBATT
