OVERSIKT | NYHETER | SPORT | MUSIKK | UNDERHOLDNING | FILM | LITTERATUR | MAT | BARN | UPUNKT |
Her er du: NRK > Nyheter > Innenriks > Kongehuset > Kronprinsbryllupet > Bryllupsnytt | Oppdatert 04.03.2002 13:30 |
|
Bryllaupsmedaljen er klar Publisert 23.07.2001 09:47 - Oppdatert 23.07.2001 09:53 Den Kongelege Mynt gjev ut ein eigen minnemedalje i samband med bryllaupet.
– Harald og Sonja vart òg heidra med ein medalje, fortel Trond Solvang i Samlerhuset til NRK.no. Medaljen kom i eit lite opplag på ti tusen myntar, og eg meiner at innkomene gjekk til Raudekrossen, held han fram. Folkemedalje for kreft
– Det var kronprinsparet sjølv som ynskte at innkomene frå medaljen skulle gå til Kreftforeininga, fortel Trond Solvang. Han er marknadssjef i Samlerhuset, som skal distribuere medaljane. Seksjonsleiar Ingunn Wiig i Kreftforeininga er glad for at kronprinsparet vel å støtte kreftforskinga. – Innkomene av folkemedaljen går uavkorta til Kong Olav Vs Kreftforskingsfond. Fondet vart oppretta det året Kong døydde, og er ti år i år, seier ho til VG i dag. Medaljar i alle valørarDet blir laga medaljar i gull, sølv og bronse i tillegg til samlarsett og myntbrev. I myntbreva får du medaljane saman med fyrstedagsbrev stempla av Posten.– Det er vanleg å lage eigne minnemyntar eller –medaljar i samband med store hendingar i Noreg, seier Trond Solvang i Samlerhuset. Vanlegvis blir myntane trykte opp i små opplag, men denne gongen får vi jo òg ein folkemynt som blir trykt i svært stort opplag, held han fram. Det skal vere mogleg for dei fleste å kjøpe ein medalje. Den billegaste bronsevarianten vil koste under hundre kroner, medan dei eksklusive gullmedaljane nok vil gå for 4 000 – 5 000 kr. – Prestisjesetta i gull blir trykte i 2001 eksemplar, fortel Solvang. Desse setta inneheld alle tre medaljane i beste kvalitet og er retta mot samlarmarknaden i Noreg og internasjonalt. Mette-Marit var vanskelegMyntgravøren som prega myntane fekk ein vanskeleg jobb med ansiktet til Mette-Marit. Det finst nemleg svært få bilete av Mette-Marit i profil, og det ende med at myntgravør Øyvind Hansen måtte lage eit utkast teke frå eige hovud.– I ettertid ser eg at denne gipsavstøypinga ikkje liknar i det heile, Seier han til VG. Hansen – som er 68 år – er eigentleg pensjonert, men blir framleis henta inn for å lage dei spesielle og store myntane og medaljane. Av Erik Bolstad
|
26.10.2004 13:39 Vil verne vassdrag 16.09.2001 11:13 Kronprinsparet tilbake i Norge 28.08.2001 23:33 Landet i Big Apple 28.08.2001 17:22 På vei til New York 28.08.2001 13:09 Kronprinsparet i Düsseldorf 27.08.2001 16:55 Kronprinsparet snek seg i land i Aalborg 27.08.2001 08:15 Forlot kongeskipet 26.08.2001 09:31 Bryllupsnatt på kongeskipet 25.08.2001 21:39 Satset alt på kjærligheten 25.08.2001 17:21 -Endelig er dagen kommet |
Copyright NRK © 2001 - Telefon: 815 65 900 - E-post: info@nrk.no - 03.01.2009 07:03 |