Nytt oljefunn i Barentshavet

Av Harald Bøe

FANN OLJE PÅ GOLIATH: Det er riggen "Eirik Raude" som leitar etter, og fann, nye oljemengder på Goliath.

Det er oljeavisa Upstream som skriv dette i dag, og dette nye funnet kan sikre ei utbygging av oljefeltet Goliath. Ingen av eigarane vil kommentere opplysningane i dag. Det er også på eit svært tidleg stadium i boringa. Enno er ikkje boreriggen Eirik Raude heilt i botnen av reservoaret.

Goliath-feltet vart funne i slutten av år 2000, men Sem-erklæringa til den forrige regjeringa hindra fleire boringar i området. No når det truleg er gjort eit nytt funn, kan dette sikre utbygginga av heile Goliath-feltet. Det er det italienske ENI som er operatør for det nye funnet, dei andre eigarane er Statoil og Det Norske Oljeselskap.

Goliath-feltet ligg snaue femti kilometer frå land, og miljørørsla har varsla kamp mot oljeutvinning i dette havområdet.