Vik

LYD OG VIDEO

Høyr ordførarduellen i Vik

Hjelp | Mer lyd og video

Innbyggjarar: 2 930
Tid for valresultat : 22.00
Leiar i valstyret : Erling Stadheim

Politisk karakteristikk

Tradisjonelt har Arbeidarpartiet og Senterpartiet vore dei store partia i Vik, noko som avspeglar at Vik framleis er både ein jordbruks- og industrikommune. Erling Stadheim, Ap, har vore ordførar i 12 år, men gjev seg no. Erik Lidal, Sp, har vore varaordførar dei siste åtte åra. Han er framleis Sp sin ordførarkandidat, medan Marta Finden Halset toppar Ap-lista, og etlar seg til å bli ordførar i Vik.
Vik kommunestyre skal reduserast frå 21 til 17 medlemmer frå valet i haust.

Politisk situasjon

I Vik har det vore tradisjon for at mest alle val er samrøystes og stor kontinuitet i kommunestyret. Nytt av året er det at Framstegspartiet stiller liste i Vik, og kjem det inn i kommunestyret kan det kanskje vere duka for større politiske motsetningar også i Vik.

Dette er listetoppane i Vik ved kommunevalet 2003: Marta Finden Halset, Ap, Erik Lidal, Sp, Aril Grønningen, H, Gunn Randi Bjørnevoll Roset, KrF, Rune Hatlelid, SV, Gyda Bøtun, V og Rune Wold, FrP.

Aktuelle saker

Den store samlande saka i Vik er heilårsveg over Vikafjellet, ei sak som ikkje har vorte lettare å kjempe for med siste framlegg til nasjonal transportplan.

Vik kommune har eit oppsamla underskot på 13. mill. kroner. Kommunen har eit godt utbygd skule og eldretilbod, og må kallast ein av velstandkommunane i Sogn og Fjordane.

Kommunestyret 1999-2003:

Vik kommunestyre har 21 medlemmer : 8 Sp, 7 Ap, 2 H, 2 KrF, 1 SV og 1 V.

Lister 2003:

7 lister : Ap, FrP, H, KrF, Sp, SV og V.
Vik kommunestyre skal reduserast frå 21 til 17 medlemmer.

Aktuelle politikarar:

Ingen politikarar frå Vik er så høgt på fylkestingslistene at dei har sjanse til å kome inn. Høgast står Anne Grethe Tveit, nr. 7 på SV-lista.