Fjaler

Innbyggjarar: 2.936
Tid for endeleg resultat:
Leiar for valstyret: Jan Ulltang

Politisk karakteristikk:

Fjaler er ein kommune der Sp og Ap ofte har skifta på å ha ordføraren. Saman har dei to partia fleirtal i kommunestyret. Men kven som får vervet etter haustens val, er uvisst. Fleire parti har lansert sine ordførarkandidatar, og skifte av politiske samarbeidspartnarar kan fort opne vegen for andre enn dagens ordførar.

Politisk situasjon:

Jan Ulltang, Sp, er ordførar i Fjaler. Han tok over vervet 1. august 2002 etter at den førre ordføraren, Arne Kyrkjebø frå Ap, vart tilsett som rådmann. Etter litt dragkamp vart dåverande varaordførar Ulltang vald til ordførar.

Arve Helle ønskjer ordførarjobben.

Han fekk støtte frå Sp, Ap, og SV. Arve Helle, Ap, vart ny varaordførar. Ulltang har sagt at han gjerne vil halde fram som ordførar, men han får hard konkurranse frå følgjande førstekandidatar: Arve Helle, Ap, Kåre Solheim, H, Gudmund Solheim, V, Erling Hjelle, SV og Hans Stav, KrF.

Aktuelle saker:

Fjaler er ikkje herja av dei store politiske stridssakene for tida. Debatten rundt flyttinga av nokre klassar frå Hellevik til Våge skule har stilna. Derimot vil nok kampen for å få bygt Dalsfjordbrua halde fram med full styrke. Målet no er å få bygt brua ved hjelp av bl.a. ferjeavløysingsmidlar og bompengar. Manglande lovnader om midlar til brubygging førte til at planane om kommunesamanslåing med Hyllestad og Askvoll vart lagt på is.

Ei anna viktig sak for Fjaler vert arbeidet med planane om å byggje gasskraftverk på Lutelandet. Elles er det venta at den tronge kommuneøkonomien igjen vil føre til debatt om Fjaler sin aksjepost i Sunnfjord Energi. Aksjane er i dag verdt mellom 80-90 millionar kroner. Men dette vert neppe eit valkamptema.

Kommunestyret 1999-2003:

Fjaler kommunestyre har 23 medlemmer: 6 Sp, 5 H, 7 Ap, 2 KrF, 2 V og 1 SV.

Lister 2003:

6 lister: Ap, H, Sp, KrF, SV og V.

Aktuelle politikarar:

Jan Ulltang, Sp, Arve Helle, Ap og Kåre Solheim, H. Arve Helle står på 11. plass på Ap si valliste til fylkestingvalet.